АН-ын дэргэдэх Ардчилсан эмэгтэйчүүдийн холбоо /АЭХ/-ны тэргүүнийг тодруулах "Дээд чуулган" өнөөдөр /2023.09.25/ өглөө 09:00 цагт эхэлсэн бол одоо ч үргэлжилж байна. Харин АЭХ-ны тэргүүнд УИХ-ын гишүүн А.Адъяасүрэн болон АН-ын гишүүд болох Б.Жаргалан, Б.Пунсалмаа, Д.Үүрийнтуяа, Д.Эрдэнэсувд, Ц.Уянга, Н.Одонгуа гэсэн долоон гишүүн өрсөлдөж байгаа.
Тэгвэл тус өрсөлдөөнөөс Д.Эрдэнэсувд, Ц.Уянга, Н.Одонгуа гэсэн гурван эмэгтэй нэрээ татаж буйгаа мэдэгдсэн байна. Ингэснээр А.Адъяасүрэн. Б.Жаргалан, Б.Пунсалмаа, Д.Үүрийнтуяа гэсэн дөрвөн нэр дэвшигч үлдээд байгаа аж. Харин эдгээрээс гол өрсөлдөөн А.Адъяасүрэн, Б.Жаргалан, Б.Пунсалмаа нарын дунд болох ба УИХ-ын гишүүн асан Фортуна Н.Батбаярын охин Жаргалан сонгогдох магадлал өндөр байгаа аж. Учир нь түүнийг АЭХ-ны тэргүүнээр тодруулах "саналын хайрцаг"-ийг зохион байгуулагчдын зүгээс бэлдээд байгаа аж.
