"Арвайн үндэс” компанийн нэрэмжит улсын арслан цолны хүндэтгэл улс, аймгийн алдар цолтой бөхийн барилдаан өнөөдөр Монгол бөхийн өргөөнд болж улсын арслан Р.Пүрэвдагва, улсын заан Б.Бат-Өлзий, улсын харцага Н.Золбоо, Б.Одгэрэл, Ц.Бямба-Отгон тэргүүтэй 224 бөх барилдав.
Барилдаанд Баянхонгор Заг сумын харьяат улсын начин Дашдоржийн Цэрэнтогтох түрүүлж, Дундговь аймгийн Эрдэнэдалай сумын харьяат улсын начин Эрдэнэбатын Даш үзүүрлэлээ.
Их шөвөгт Архангай аймгийн Булган сумын харьяат улсын арслан Рэнцэнбямбын Пүрэвдагва, Ховд аймгийн Зэрэг сумын харьяат улсын заан Баярхүүгийн Бат-Өлзий, дунд шөвөгт улсын харцага Б.Одгэрэл, улсын начин Д.Амаржаргал, улсын начин Б.Түвшинтөгс нар шалгарав.
