Катарын нийслэл Доха хотод жүдо бөхийн дэлхийн аварга шалгаруулах тэмцээний хүнд жингийн барилдаанууд эхлээд буй.
Эрэгтэйчүүдийн -100 кг жинд Одхүүгийн Цэцэнцэнгэл оролцож байгаа бөгөөд эхний шатанд Арабын аваргын хүрэл медальт Бахрейны 28 настай Азамат Чотчаевтай барилдаж цэвэр ялснаар шигшээ 16-д шалгараад байсан билээ.
Тэгвэл өнөөдөр /2023.05.14/ тэрбээр шигшээ 16-д Олимпын хоёр удаагийн аварга, дэлхийн 9 удаагийн аварга Францын тамирчин 34 настай Тедди Риньетэй барилдав. Барилдаан цаг сунгаж 7 минут үргэлжилсэн бөгөөд Францын аварга торгуулиар ялснаар О.Цэцэнцэнгэл тэмцээнээ өндөрлүүллээ.
23 настай О.Цэцэнцэнгэл нь энэ оны Тел Авивын их дуулгад түрүүлээд байсан билээ.
