Булган аймгийн Сэлэнгэ сумын харьяат улсын начин Дэлгэрсайханы Амарсайхан Тувад болсон хүреш бөхийн хэд хэдэн барилдаанд түрүүлж, үзүүрлэж, шөвгөрчээ.
Тэрбээр өчигдөр Тувагийн нийслэл Кызыльд болсон Ялалтын баярт зориулсан том барилдаанд их шөвгийн дөрөвт үлдсэн. Д.Амарсайхан начин үүнээс хоёр, гурван хоногийн өмнө Каа-Хем болон Бии-Хем хошуунд болсон барилдаанд түрүүлж тавдугаар сарын 2-нд болсон "Өмнөдийн хүч-2023" тойргийн барилдаанд үзүүрлэсэн юм.
