”Монголд зочлох жил - 2023 - 2025” арга хэмжээний хүрээнд Соёлын яам Соёлын аялал жуулчлалыг хөгжүүлэх асуудлаар баримталж буй бодлого, төлөвлөлтөө БОАЖЯ-д танилцуулж Аялал жуулчлалын бодлого, төлөвлөлтөд уялдуулах зорилготой мэдээлэл солилцох хамтарсан уулзалт хийлээ.
Хамтарсан уулзалтад БОАЖЯ-наас Сайдын зөвлөх О.Одбаяр, БОАЖЯ-ны Аялал жуулчлалын бодлого зохицуулалтын газрын дарга Т.Мөнх-Од, Аялал жуулчлалын хөгжлийн төвийн захирал С.Энхчимэг, Соёлын яамнаас Соёлын Дэд сайд М.Батбаяр, ТНБД Ч.Энх-Амгалан, ЗГХА Соёл урлагийн газрын дарга Н.Мөнхзул болон холбогдох албаны хүмүүс оролцов. Уулзалтаар дараах асуудлыг хэлэлцэж байна.
Үүнд:
- Соёлын аялал жуулчлал,
- “Мянганы суут хүн, Их эзэн - Чингис хаан” түүхийн аялал жуулчлалын цогцолборуудын үзэл баримтлалын танилцуулга,
- Тогтвортой аялал жуулчлалыг хөгжүүлэх төслийн танилцуулга,
- Соёлын яам болон БОАЖЯ-ны хамтын ажиллагааны хүрээнд хийгдэх ажлуудын талаар санал солилцож, бодлого чиглэлээ уялдуулах юм.
