Волейболын эмэгтэйчүүдийн клубүүдийн Азийн аварга шалгаруулах тэмцээн Вьетнамын Вин-Вук хотод болж буй.
Тэмцээнд Монголын эмэгтэйчүүдийн шигшээ буюу "Хөвсгөл Эрчим" клуб оролцож байгаа юм. Тамирчид "В" хэсгийн эхний хоёр тоглолтдоо БНХАУ-ын "Лиаонинг Донгхуа", Казахстаны "Алтай" клубт 0:3-аар тус тус хожигдсон.
Тэгвэл өчигдөр /2023.04.27/ болсон гурав дахь тоглолтоо Хонконгийн "Хип Хинг" клубтэй хийж 3:1-ээр буулган авлаа. Монголын баг эхний партад 22:25-аар хожигдсон ч үргэлжлүүлэн 25:9, 25:20, 25:17-гоор илүүрхэж ялалт байгуулсан юм. "Хөвсгөл Эрчим" клуб баг хэсгийн сүүлийн тоглолтоо Тайландын Даймонд Фүүд Файн Чеф-Эйр Форс" багтай өнөөдөр /2023.04.28/ хийнэ.
ФОТО:
