“Астана-2023” Азийн аварга шалгаруулах чөлөөт бөхийн тэмцээн болж байгаа юм.
Тус тэмцээний эрэгтэй 57 кг-ын жинд дэлхийн чансааны дөрөвдүгээрт эрэмбэлэгдэж буй ОУХМ Занданбудын Занабазар, 79 кг-ын жинд Бат-Эрдэнийн Бямбадорж нар оролцож буй. ОУХМ З.Занабазар шөвгийн наймд Тажикстаны бөх Сунатилло Бобоевтой барилдаж “9:0”-ээр яллаа. Ингэснээр манай бөх хагас шигшээд Кыргызстаны бөх Алмаз Сманбековтой хүч үзэх аж.
Харин БНХАУ-ын Ли Пэй-Лоныг цэвэр ялаад байсан ОУХМ Б.Бямбадорж дөнгөж сая 1/4 шигшээ барилдаанаа өнгөрсөн жилийн 23 хүртэлх насны Азийн АШТ-тай хүрэл медальтай Энэтхэгийн бөх Депактай хийлээ. Тус барилдаанд Б.Бямбадорж өрсөлдөгч бөхдөө 1:4-өөр ялагджээ.
