АНУ-ын спортын дипломат харилцааны төрийн хэлтсээс Монгол Улстай хийх "Солилцооны төсөл-2023" хөтөлбөрийн хүрээнд тус улсын 14 хүнтэй баг Монгол Улсад спортын манлайлал, нийгмийн өөрчлөлтийн сургалт зохион байгуулж, спортын байгууллагуудтай танилцан, тамирчидтай туршлага солилцох, хэлэлцүүлэгт оролцохоор хүрэлцэн ирсэн юм.
Тус хөтөлбөрийн хүрээнд “Хилчин” спорт хороотой танилцаж, туршлага солилцжээ. “Хилчин” спорт хорооны зүгээс жүдо, бокс, волейболын өсвөрийн тамирчдын бэлтгэлтэй танилцуулж, чөлөөт бөхийн эмэгтэй тамирчидтай хамтарсан бэлтгэл хийсэн. Мөн “Хилчин" спорт хорооны эмэгтэй дасгалжуулагч, тамирчдыг гурван өдрийн сургалт, хэлэлцүүлэгт оролцуулжээ. Хоёр улсын хамтын ажиллагааны хөтөлбөрийн хүрээнд Монголын талаас 14 хүн АНУ-д туршлага солилцох сургалтад хамрагдах бөгөөд “Хилчин” спорт хорооноос дасгалжуулагчдыг шалгаруулж авахаар харилцан тохиролцсон байна.
