Дугуйн UCI 2.1 ангилал буюу хагас мэргэжлийн тамирчид өрсөлддөг "Tour of Tailand" олон өдрийн уралдаан дөрөвдүгээр сарын 1-6-ны өдрүүдэд боллоо.
Нийт зургаан гарааг 1036.60 км зам туулсан тус уралдааны ялагчаар Тайландын "Roojai" багт данстай, "Алдар" спорт хорооны тамирчин 2019 оны залуучуудын дэлхийн аварга ОУХМ Батсайханы Тэгшбаяр тодорч Тайландын тэмцээний аварга болжээ. Мөн 2021 оны тус уралдааны аварга, Малайзын мэргэжлийн "Terengganu" багт уралддаг ОУХМ Сайнбаярын Жамбалжамц нутаг нэгт Б.Тэгшбаяраас ард нийлбэр дүнгээр хоёрдугаар байрт орсон байна.
