FIBA-аас шинэчлэн гаргасан чансаагаар Монголын сагсан бөмбөгийн бага тамирчид дээгүүр байрт эрэмбэлэгдэв.
Олон улсын сагсан бөмбөгийн холбоо (FIBA)-аас өнгөрөгч долоо хоногт Сингапур улсад болсон 3х3 сагсан бөмбөгийн Азийн аварга шалгаруулах тэмцээний дараа тус төрөлд шинэчилсэн чансааг гаргажээ. Азийн аваргаас алтан медаль хүртсэн Монголын эрэгтэйчүүдийн шигшээ баг 3.740.393 оноогоор 5 дугаар байрт бичигджээ. Чансааны эхний 12 байрт орсон АНУ, Монголоос бусад нь бүгд Европын багууд. Тэгвэл Сингапурт шөвгийн наймд хожигдсон эмэгтэй шигшээ маань 668.033 оноогоор 11 дүгээр бичигдсэн байна.
