Үндэсний шигшээ багийн тамирчин, ОУХМ М.Цэрэнбаатар Австрали улсыг зорьсон. Түүний хувьд "Хасумегастарс" клубт олон жил тоглосон бөгөөд сүүлд "Ноён" клубыг ахлан үндэсний дээд лигт аваргалсан юм.
Тэрбээр сурч, хөдөлмөрлөхөөр гэр бүлийнхээ хамт Австралийг зорьсон ч олон жил хичээллэж, амжилт гарган зүтгэсэн волейболын спортоо орхилгүй тус улсын хоёр ч клубын сонгон шалгаруулалтад оролцож тэнцжээ. Улмаар "ACERS" клубийг сонгон мужийн цом болон лигийн тэмцээнд оролцохоор болсон байна. Түүний анхны тэмцээн Мужийн цомын аварга байсан бөгөөд тус тэмцээндээ түрүүлсэн байна. Түүний дараагийн тэмцээн гурван сарын турш үргэлжлэх лигийн тэмцээн юм байна.
