Сингапурт болсон Сагсан бөмбөгийн 3х3 төрлийн Азийн аварга шалгаруулах тэмцээнд Монголын баг түрүүлж, аваргын цом өргөсөн. Улмаар манай сагсан бөмбөгчид 2017 онд түрүүлсэн амжилтаа давтан, Азийн хошой аварга болсон билээ.
Мөн Азийн аваргын үнэ, цэнэтэй тоглогчоор манай эрэгтэйчүүдийн багийн тамирчин Д.Дэлгэрням тодорч тус тэмцээний бэлгэдлийн шигшээд багтсан юм. Тэгвэл Азийн хошой аварга болсон сагсан бөмбөгчид өнөөдөр 17.00 цагт эх орондоо ирнэ.
