Зургаан орны баг өрсөлдөж буй шайбтай хоккейн U18 насны "Challenge Cup" тэмцээнд Монголын шигшээ баг 3 дахь тоглолтоо хүчирхэг бүрэлдэхүүнтэй Узбекистаны шигшээ багтай хийсэн.
Урьдчилсан финал гэж хэлж болох тус тоглолтод манай хөвгүүд хамгийн хүчтэй өрсөлдөгчдөө 4:7-гоор дийлдсэнээр анхны хожигдлоо хүлээсэн. Тоглолтын эхний хоёр үед 4:4 тэнцсэн ч шийдвэрлэх III үед 3 шайбыг хаалгандаа алдлаа.
Монголын шигшээ багаас М.Чинзолбоо 2, Д.Лхагвадорж, Б.Мөнхманлай нар тус бүр 1 гоолоор өрсөлдөгч багийнхаа хаалгыг мялаав. Монголын шигшээ баг өнөөдөр /2023.03.15/ 17:00 цагт Туркменистантай, сүүлийн өдөр буюу баасан гаригт 20:30 минутад Тайландын шигшээ багтай тус тус тоглоно.
