Азийн волейболын холбооны 2023 оны эрэгтэй, эмэгтэй азийн клубүүдийн аварга шалгаруулах тэмцээний сугалаа бямба гарагт /2023.03.04/ Улаанбаатарын цагаар 16:00 цагт болно
Тодруулбал, Эмэгтэй клубүүдийн АШТ дөрөвдүгээр сарын 25-наас тавдугаар сарын 2-ны /2023.04.25-2023.05.02/ өдрүүдэд Вьетнам улсын Вин Фук хотод зохиогдоно. Оролцогч багууд нь Вьетнам (Зохион байгуулагч), Казакстан (2), Тайланд (3), Иран (4), Хятад, Хонгконг, Япон, Монгол, Тайвань гэх орнуудын нийт есөн баг тамирчид оролцоно.
Багууд хоёр хэсэгт (А хэсэг 4 баг, В хэсэг 5 баг) хуваагдан орох бөгөөд хэсгийг өмнөх тэмцээний чансаагаар (могойчлох схемээр) А хэсэгт Вьетнам (Зохион байгуулагч), Иран (4), В хэсэгт Казакстан (1), Тайланд (3). Үлдсэн таван баг болох Хятад, Хонгконг, Япон, Монгол, Тайванийн багууд зүүн бүсээс оролцож байгаа бөгөөд А болон В хэсэгт хуваагдан орох юм.
Эрэгтэй клубүүдийн АШТ тавдугаар сарын 14-21-ний /2023.05.14-2023.05.21/ өдрүүдэд Бахрейны нийслэл Манама хотод зохиогдоно. Оролцогч багууд нь Бахрейн (Зохион байгуулагч), Иран (1), Япон (2), Казакстан (4), Катар (5), Тайланд (6), Ирак (7), Австрали, Кувейт, Йемен, Афганистан, Хонгконг, Солонгос, Монгол, Тайвань гэх нийт 16 баг тамирчид оролцох юм.
Багууд дөрвөн хэсэгт (А хэсэг 4 баг, В хэсэг 4 баг, С хэсэг 4 баг D хэсэг 4 баг) хуваагдан орох бөгөөд хэсгийг өмнөх тэмцээний чансаагаар (могойчлох схемээр) А хэсэг Бахрейн (Зохион байгуулагч), В хэсэгт Иран (1), Ирак (7), С хэсэгт Япон (2), Тайланд (6), D хэсэг Казакстан (4), Катар (5). Үлдсэн есөн багууд болох Хонгконг, Солонгос, Монгол, Тайвань зүүн бүс, Кувет, Иемен баруун бүс, Афганистан төвийн бүс, Индонез зүүн өмнөд бүс, Австрали далайн бүсийн багууд А, В, С, D хэсгүүдийн хүснэгтийн гурав болон дөрөв дэх мөрөнд газарзүйн байршлаас хамааран нэг бүсийн багуудыг өөр хэсгүүдэд хуваарилахыг эрмэлзэх аж.
“Хонгконг, Солонгос, Монгол, Тайвань Зүүн бүсийн багуудын сугалааг А хэсгийн хоёр дахь мөр болон В, С, D хэсгүүдийн хүснэгтийн гурав дахь мөрөнд. Үлдсэн таван баг буюу Кувейт, Йемен, Афганистан, Индонез, Австралийн багуудыг үлдсэн хэсгүүдийн үлдсэн мөрөнд сугална. Гэхдээ нэг бүсийн хоёроос илүүгүй багийг нэг хэсэгт сугалахгүй байхыг зорино” гэж зохион байгуулагчид мэдэгдсэн.
Хятад болон Японы багууд сугалан А, В хэсгийн хүснэгтийн 3 дахь мөрөнд бичигдэнэ. Хонгконг, Монгол, Тайваний багууд сугалж А болон В хэсгийн 4 болон 5 дахь мөрөнд бичигдэнэ.
