Хөлбөмбөгийн ДАШТ-ийн хагас шигшээд Аргентин, Хорватын шигшээ багийг хожсоны дараа Лео Месситэй аргентины “Publica Television” сувгийн сэтгүүлч ярилцах үеэрээ, сэтгэл хөдлөлөө барьж чадаагүй байна.
Сэтгүүлч София Мартинез, “Энэ бол асуулт биш, гэхдээ би танд үүнийг хэлмээр байна. Дэлхийн аваргын финал ойртож байгаа энэ үед бид бүгд мэдээж цомыг авахыг хүсч байна. Гэхдээ тоглолтын үр дүнгээс үл хамааран чамаас хэн ч булааж авч чадахгүй зүйл байдаг. Энэ бол та хүн бүрийн амьдралд өөрийн ул мөрөө үлдээсэн. Үүнийг хэн ч чамаас булааж авч чадахгүй. Олон хүнд аз жаргал авчирсанд таньд талархаж байна. Энэ бол миний хувьд дэлхийн аваргад түрүүлэхээс илүү чухал зүйл” гэжээ.
Хариуд нь Лео Месси, “Энэ дэлхийн аварга шалгаруулах тэмцээнд миний мэдэрсэн бүх зүйл маш их сэтгэл хөдөлгөсөн. Аргентинчууд ямар их баяр баясгаланг авч байгааг би харсан. Бид энэ удаад үнэхээр ялахын тулд өдий хүртэл хийж байсан шигээ чадах бүхнээ хийх болно. Ийм үгний эцэст дэлхийн аваргад Аргентин түрүүлэхгүй байж болохгүй” гэжээ.
ВИДЕО:
