Баянзүрх дүүргийн 26 дугаар хорооны нутаг дэвсгэр Олимп хотхоны хойд замд өнгөрсөн сарын 10 /2022.10.10/-ны өдөр зам тээврийн ноцтой осол гарч, долоон автомашин мөргөлдөж, хоёр хүүхэд гэмтсэн талаар бид өмнө нь мэдээлж байсан билээ.
Мөрдөн байцаалтын ажиллагаагаар тухайн үед 29 настай эмэгтэй М гэгч нь машиныг жолоодож явсан гэдгийг албаныхан тогтоосон байдаг. Тэгвэл тус ослыг гаргасан жолооч М-д хязгаарлалт тогтоох таслан сэргийлэх арга хэмжээ авчээ. Тодруулбал, Баянзүрх дүүргийн Эрүүгийн хэргийн анхан шатны шүүхээс өчигдөр М-д хилээр гарахыг хориглох таслан сэргийлэх арга хэмжээ авсан байна.
