Өнгөрөгч шөнө /2022.10.29-30/ БНСУ-ын Сөүл хотын Итэвонд Halloween буюу сүнсний баяр тэмдэглэхээр цугласан маш олон хүн ухаан алдаж, зүрх нь зогссон ноцтой хэрэг гараад байна. Иймд Сөүл дэх Монголын ЭСЯ-наас сэрэмжлүүлэг гаргажээ.
Сэрэмжлүүлэг, “Сөүл хотын Юнсан дүүргийн Итэвон хороонд олон тооны иргэд ухаан алдсан явдал болоод байна. Үйл явдлын гол шалтгаан одоогоор тодорхойгүй байгаа ба аврах байгууллагууд онцгой байдлын зэрэг тогтоон ажиллаж байна. Иймд иргэд та бүхэн Итэвоны гудамжаар явахгүй байх, Монгол Улсын иргэдтэй холбоотой мэдээлэл байгаа тохиолдолд ЭСЯ-ны шуурхай утас 010-8205-3464 дугаарт яаралтай холбогдоно уу” гэжээ.
