Энэ жил /2022/-ийн Үндэсний их баяр наадмын хүчит бөхийн барилдаанд 10 даван түрүүлж, Улсын аварга цол хүртсэн О.Хангайн цолны мялаалга наадам өнгөрсөн сарын 13-нд Ховд аймагт өргөн дэлгэр болж өнгөрсөн.
Тэгвэл энэхүү арга хэмжээг үргэлжлүүлэн өчигдөр /2022.10.04/ Отгон аварга О.Хангайн талархлын хүлээн авалт Улаанбаатар хотод болжээ. Цайллагад үе үеийн улсын наадмын түрүү бөхчүүд болон хамаатан садангууд нь хүрэлцэн очсон байна. Энэ үеэр Аварга өөрийн болон халам ээж, аавдаа, бөхийн эрдэмд сургасан Монгол Улсын заан Ц.Мягмарсүрэн багшдаа автомашин бэлэглэжээ.
