Их Британийн хатан хаан II Элизабет өнгөрсөн Пүрэв гараг /2022.09.09/-т Шотландын Балморал шилтгээндээ 96 насандаа таалал төгссөн билээ. Энэхүү явдлын дараа түүний нохдын гуниглаж буй сэтгэл өвтгөм зургууд олон нийтийн сүлжээгээр тархаж, зарим иргэд санаа зовниож байсан.
Тэгвэл Хатан хаан II Элизабетийн хоёр коргид үүлдрийн нохдыг Ханхүү Эндрю, түүний хуучин эхнэр Йоркийн гүнгийн авхай Сара нар асрах болно гэж гүнгийн хэвлэлийн төлөөлөгч ням гараг /2022.09.11/-т мэдэгдэв.
Хатан хаан 70 жил хаанчлахдаа 30 гаруй нохой тэжээсэн байна. Ингэхдээ коргид үүлдрийн нохойд хайртай байжээ. Нохойнууд нь түүний хажууд эсвэл хөлийнх нь хажууд хэвтдэг учир Уильям, Харри нарын ээж Диана гүнж тэднийг "хөдөлгөөнт хивс" гэж нэрлэдэг болжээ.
Харин Хатан хааны бусад нохой болох Канди, дахшунд, корги хоёрын хоорондох загалмай, кокер спаниел Лисси нарт юу тохиолдох нь одоогоор тодорхойгүй хэвээр байгаа аж.
Эх сурвалж: The New York Times
