Украины армийн сөрөг довтолгоо амжилттай явагдаж байгаа тул Оросын цэргүүд зүүн нутгийн гол хотуудаас ухарсан гэж мэдээлжээ. Украины албаныхны мэдээлснээр, цэргүүд өнгөрсөн бямба гараг /2022.09.10/-т Оросын армийн зүүн бүсийн чухал хангамжийн төв болох Купянск хотод нэвтэрсэн байна.
Үүний дараа Оросын Батлан хамгаалах яам, “цэргүүдээ дахин бүлэглэх боломжийг олгохын тулд Изиум хотоос ухарсан” гэж мэдэгджээ. Мөн Оросын Батлан хамгаалах яам, Донецкийн фронт дахь "хүчээ бэхжүүлэх" зорилгоор гурав дахь чухал хот болох Балаклиягаас цэргээ татан гаргаснаа баталжээ. Харин Украины Ерөнхийлөгч В.Зеленский өнгөрсөн бямба гараг /2022.09.10/-т хийсэн мэдэгдэлдээ, “Украин энэ сарын эхээр шинэчилсэн сөрөг довтолгоогоо эхлүүлснээс хойш Оросоос 2000 хавтгай дөрвөлжин км газрыг чөлөөлсөн” гэж мэдэгджээ.
Эх сурвалж: BBC
