Дэлхийн хамгийн том олон нийтийн сүлжээ гэж болох facebook-ийн Meta компанийг үүсгэн байгуулагч Марк Зукерберг болон түүний эхнэр Присцилла Чан нар Сан Франциско дахь байшингаа 31 сая ам.доллараар зарсан тухай тэдний гэр бүлийн төлөөлөгч мэдэгджээ.
Харин энэ худалдаа нь Сан Францискод энэ оны хамгийн өндөр үнэтэй худалдаа болж байна гэж Zilllow мэдэгджээ. 1928 онд баригдсан 7,386 метр квадрат талбай бүхий тус байшин нь дөрвөн унтлагын өрөө, дөрвөн угаалгын өрөөтэй бөгөөд Миссион дүүрэг дэх Долорес Хайтс хорооллын захад байрладаг байна. Тус худалдаа өнгөрөгч долдугаар сарын 1-нд хийгдсэн боловч гүйлгээний бүртгэл дөнгөж сая олон нийтэд нээлттэй болсон байна.
Сонирхуулахад, Meta компанийг үүсгэн байгуулагч 38 настай Марк Зукерберг, түүний эхнэр 37 настай Присцилла Чан нар 2012 онд Калифорнид төвтэй SFRP зуучын компаниар дамжуулан 10 сая ам.доллараас бага үнээр уг байшинг анх худалдаж авсан гэж PropertyShark-ийн бүртгэлд дурдсан байна.
Эх сурвалж: mansionglobal.com
