Сонгинохайрхан дүүргийн 12 дугаар хорооны нэгдүгээр байрны хүүхдийн тоглоомын талбайг “3х3” сагсан бөмбөгийн талбай болгон тохижуулжээ.
Энэхүү тохижилтыг дүүргийн ЗДТГ, “Хаан банк”-тай хамтран гүйцэтгэсэн байна. Тус сагсан бөмбөгийн талбайн тохижилтын ажлыг “Хаан банк”-ны зүгээс нийгмийн хариуцлагын хүрээнд хүүхэд залуусын чөлөөт цагаа зөв боловсон өнгөрүүлэх орчин нөхцөлөөр хангах, залуусын хүсэл мөрөөдлийг дэмжин ажиллахын тулд хамтран ажиллах саналыг дүүргийн Засаг дарга Н.Алтаншагайд хүргүүлэн, санамж бичгийг энэ оны дөрөвдүгээр сард байгуулж байсан билээ. Ийнхүү санамж бичгийн хүрээнд хийх ажил биеллээ олж тус дүүргийн хүүхэд “3х3”сагсан бөмбөгийн талбайтай боллоо.
