Архангай аймгийн төвөөс баруун хойд зүгт 220 км, Цэцэрлэг сумын Чулуут голын мөс цөмөрч, “Лексус-570” загварын суудлын автомашин усанд суужээ. Энэ талаарх дуудлагыг арванхоёрдугаар сарын 26-ны өдрийн 21:15 цагт өгсөн байна. Хөвсгөл аймгийн Онцгой байдлын газрын Эрэн хайх, аврах салбарын алба хаагчид болон ар гэрийнхэн нь 110 км замыг туулан 07:46 цагт очиж, голын мөсөнд цөмөрсөн машиныг 8 цаг 34 минут ажиллаж татан гаргажээ. Жолооч болон бусад дөрвөн зорчигч өөрсдөө эсэн мэнд гарсан байна.
Эх сурвалж: ОБЕГ
