УБТЗ-ын дарга Х.Хэрлэн өнөөдөр ажлаа хүлээн авлаа. Түүнд албаны тамга тэмдгийг УБТЗ-ын нэгдүгээр орлогч дарга И.В.Милостных гардуулж өгөв.
Х.Хэрлэн нь өнгөрсөн арван нэгдүгээр сарын 30-ны өдөр Улаанбаатар төмөр зам хувь нийлүүлсэн нийгэмлэгийн Ерөнхий хорооны ээлжит хуралдааны шийдвэрээр УБТЗ-ын даргаар томилогдсон юм. Тэрбээр 2017 оноос Ашигт малтмал, газрын тосны газрын даргаар ажиллаж байв.
Х.Хэрлэн нь 1967 онд Хэнтий аймагт төрсөн.
Эзэмшсэн боловсрол:
- 1985-1991 онд Политехникийн Дээд сургуулийг барилгын инженер мэргэжлээр
- 1999-2001 онд МУИС-ийн ХЗДС-ийг Эрх зүйч мэргэжлээр тус тус суралцаж төгссөн. Техникийн Ухааны магистр зэрэгтэй.
Ажилласан байдал:
- 1991-1992 онд Барилгын зургийн институтэд Зургийн техникч
- 1995-1999 онд “Үлэмж” ХХК-ийн Дэд захирал
- 2000-2006 онд АМХЭГ-ын Геологи Уул Уурхайн Кадастрын албаны дарга
- 2006-2007 онд Үйлдвэр Худалдааны Яамны Хөнгөн үйлдвэрийн газрын Орлогч дарга
- 2008-2010 онд “Эйч ти эм” ХХК-ийн Захирал
- 2010-2012 онд ТӨХ-ны Төрийн өмчийн удирдлага, хувьчлалын газрын дарга
- 2012-2016 онд “Эйч ти эм” ХХК-ийн Захирал
- 2016-2017 оны “Монголын Төмөр Зам” ТӨХК-ийн Гүйцэтгэх захирал
Монгол Улсын Засгийн газрын 2017 оноос АМГТГ-ын даргаар тус тус ажиллаж байсан.