Баян-Өлгий аймгийн Цэргийн штабын дарга Г.Лхагвасүрэнг Эрүүгийн хуулийн 22.1.1-д заасан албан үүрэг, бүрэн эрх, албан тушаалын байдлаа урвуулан ашиглаж өөртөө давуу байдал бий болгосон гэмт хэрэгт буруутгагджээ.
Тодруулбал, түүний хэргийг Баян-Өлгий аймгийн ЭХАШШ-ээс 2020 аравдугаар сарын 1-ний өдөр гэм буруутайд тооцон Нийтийн албанд томилогдох эрхийг 3 жилээр эрх хасаж, хорих ял оногдуулахгүйгээр 2 жилийн хугацаагаар тэнсэн харгалзах ял оноожээ.
