БШУЯ: Сурагч анги дэвших тусам сурах сонирхол нь нэмэгдэх ёстой гэтэл манай улсад урвуу байдалд шилжсэн

БШУЯ: Сурагч анги дэвших тусам сурах сонирхол нь нэмэгдэх ёстой гэтэл манай улсад урвуу байдалд шилжсэн

Ерөнхий боловсролын сургуульд ашиглаж буй сурах бичигт  45 хүний бүрэлдэхүүнтэй баг зургаан сарын турш дүн шинжилгээ хийсэн тайланг БШУЯ-нд хүлээлгэн өглөө.

Тус баг 174 сурах бичигт дүн шинжилгээ хийхдээ агуулга, арга зүй, найруулга, зөв бичгийн дүрэм, логик холбоо, дизайн зэргийг онцгойлон судалсан бөгөөд тайлангаа Боловсрол, шинжлэх ухааны яаманд өнөөдөр хүлээлгэн өглөө. Боловсролын салбар нь өндөр түвшинд хөгжсөн улс орнуудад сурагч олж авсан мэдлэгээ амьдралд ашиглаж чаддаг. Харин манай улсын тухайд цээжлэх, давтах гэсэн доод эрэмбийн мэдлэг түгээж байгаа нь хамгийн том учир дутагдал болохыг онцоллоо. Өөрөөр хэлбэл орчин үеийн иргэд компьютер хэрэглэгч байх биш компьютер бүтээгч байхад суралцах ёстой.

Боловсролын хүрээлэнгийн сурах бичгийн секторыг чадавхжуулах, бэхжүүлэх чиглэлд онцгой анхаарах, зөвлөх багш нарыг сурах бичиг боловсруулах ажилд татан оруулахыг зөвлөж, анги, хичээл, сэдэв хоорондын уялдааг сайжруулах шаардлагатайг сануулав.

Сурагч анги дэвших тусам сурах сонирхол нь нэмэгдэх ёстой. Гэтэл манай улсад урвуу байдалд шилжсэн. Энэ нь бага ангийн сургалтын агуулга хэт хүнд байгаатай холбож тайлбарлаж байлаа. Мөн дараагийн шатанд тайлангийн хүрээнд сурах бичгийг журмыг шинэчлэх, сургууль бүрд дүгнэлтийг хүргэх чиглэлээр ажиллахаар болжээ.