Алдарт дуучин Энрико Карузо агсны 100 жилийн ойд зориулсан дэлхийн дуурийн дуулаачдын уралдаан “Vencero World Opera Singing Competition” 2021 онд зохион байгуулагдаж, 5 тивийн 45 орны 730 дуучид өрсөлдсөн юм.
Тэмцээний эхний шатны шалгаруулалтууд онлайнаар зохион байгуулагдаж, 60 дуучин финалын шатанд шалгарч, манай улсын оролцогчид амжилттай оролцож, С.Бат-Эрдэнэ, Д.Бат-Эрдэнэ, Б.Жавхлантөгс, Д.Дагвадорж, Д.Эрдэнэ-Очир, Т.Энхбат, С.Батчимэг, Б.Батжаргал нарын найман дуучин шалгарч, төгсгөлийн шатны шалгаруулалтад оролцохоор бэлтгэлээ хангад байсан ч ОХУ-аас Итали руу зорчих виз гарах боломжгүй болсон тул Т.Энхбат, С.Батчимэг нар оролцох боломжгүй болж, С.Бат-Эрдэнэ, Б.Жавхлантөгс, Д.Дагвадорж, Д.Эрдэнэ-Очир нар Итали улсыг зорьж оролцжээ.
Манай дуучдын хувьд шагналт байр эзлээгүй ч дэлхийн хамгийн “хатуу” шүүгчдээс сайн үнэлгээ авсан байна. Тус дэлхийн А зэрэглэлийн дуурийн дуулаачдын тэмцээний шүүгчээр дэлхийн хамгийн том дуурийн 12 театрын захирал, удирдлагууд, найруулагчид, мөн алдартай шүүмжлэгчид ажилласан юм.
