Алдарт дуучин Энрико Карузо агсны 100 жилийн ойд зориулсан дэлхийн дуурийн дуулаачдын уралдаан “Vencero World Opera Singing Competition” 2021 онд зохион байгуулагдаж, 5 тивийн 45 орны 730 дуучид өрсөлдсөн юм.
Тэмцээний эхний шатны шалгаруулалтууд онлайнаар зохион байгуулагдаж, 60 дуучин финалын шатанд шалгараад байна. Тус тэмцээнд Монгол улсын оролцогчид амжилттай оролцож, С.Бат-Эрдэнэ, Д.Бат-Эрдэнэ, Б.Жавхлантөгс, Д.Дагвадорж, Д.Эрдэнэ-Очир, Т.Энхбат, С.Батчимэг, Б.Батжаргал нарын найман дуучин шалгарч, төгсгөлийн шатны шалгаруулалтад оролцохоор бэлтгэлээ хангаж эхэлжээ.
“Vencero World Opera Singing Competition” 2021 дэлхийн А зэрэглэлийн дуурийн дуулаачдын тэмцээний төгсгөлийн шатны шалгаруулалт энэ сарын сарын 28-31 өдрүүдэд Итали улсын Наполи хотод зохион байгуулагдах юм. Тэмцээний шүүгчээр дэлхийн хамгийн том дуурийн 12 театрын захирал, удирдлагууд, найруулагчид, мөн алдартай шүүмжлэгчид ажиллаж байгаа юм.
Г. Мөнхбаяр
_0818.jpg)
