Хүндийн өргөлтийн 87 кг-д бяр чадлаа сорьж буй М.Анхцэцэг түлхэлттэй өргөлтийн хоёр дахь захиалгаараа 142 кг-ыг амжилттай өргөж, удаах өргөлтөө 147 кг-ыг захиалсан ч амжилтгүй боллоо.
Манай тамирчин огцом өргөлтөд эхлээд 110 кг-ыг захиалсан ч өргөлт амжилтгүй болсон. Улмаар хоёр дахь оролдлогоороо 110 кг-ыг амжилттай өргөсөн юм. Тэрбээр гурав дахь оролдлогоороо 112 кг-ыг өргөсөн ч техник буруу байсан гэдэг шалтгаанаар хүчингүй болгосон.
Ингэснээр М.Анхцэцэг олимпын наадмын 4-р байрт шалгарсан амжилттайгаар тэмцээнээ дуусгаж байна.
