Монгол Улсын иргэн Саид Моллай жүдо бөхийн 81 кг жингийн шөвгийн дөрөвт Австрийн бөх Шамил Борчашвилитэй барилдаж иппон үнэлгээгээр ялсан. Ингэснээр тэрбээр мөнгөн медалийн болзол хангаж, алтын төлөө Японы тамирчин Нагасэ Таканоритой барилдахаар болоод байна.
Тэгвэл Мэргэжлийн сүмо бөхийн аварга Хакухо М.Даваажаргал Саид Моллайгийн Австрийн бөхтэй хийсэн барилдааныг олимпын ордонд хүрэлцэн ирж үзсэн байна. Түүнтэй хамт МҮОХ-ны дэд ерөнхийлөгч Б.Баттүшиг нар байжээ.
