Наадмын амралтын өдрүүдээр буюу 7 дугаар сарын 9-19-ний хооронд усны ослоор нийт 29 хүн амь насаа алдсан байна. Үүний зургаа нь хүүхэд 23 нь том хүн байжээ.
Усны ослоор амь насаа алдаж байгаа гол шалтгаан нь :
- Анхаарал болгоомжгүй, хайхрамжгүй байх
- Бага насны хүүхдээ хараа хяналтгүй орхих
- Согтууруулах ундаа хэрэглэсэн үедээ гол, ус руу орох
- зориулалтын бус хөвөгч хэрэгсэлтэйгээр гол усанд орсон зэргээс үүдэлтэй байна.
Ташрамд дурдахад он гарсаар 15 аймгийн 29 сум, нийслэлийн 4 дүүрэгт усны ослын 50 тохиолдлоор 69 иргэн амь насаа алджээ гэж Онцгой байдлын ерөнхий газраас мэдээллээ.
