Монгол Улсын гавьяат тамирчин Нямбаярын Төгсцогт мэргэжлийн боксын рингэн дэх 14 дэх тулаанаа орон нутгийн цагаар долдугаар сарын 3-нд /Монголын цагаар маргааш /2021-07-04/ 09:00 цаг/ Калифорниа мужийн Карсон хотын “Dignity Health Sports Park” цэнгэлдэхэд хийхээр болсон.
Тэрээр “WBA” холбооны хагас хөнгөн жингийн түр аваргын бүсийн төлөө АНУ-ын боксчин Крис Колбертийн эсрэг тулалдах юм. Түүний хувьд одоогоор мэргэжлийн боксын дэвжээн дээр 13 тулаан хийснээс 12 удаа ялахдаа өрсөлдөгчөө есөн удаа хүнд цохилтоор буулган авсан байдаг. Түүний өрсөлдөгч АНУ-ын боксчин Крис Колберг нь мэргэжлийн боксын рингэнд 15 удаа тоглохдоо нэг ч ялагдал хүлээгээгүй тамирчин юм.
