ЭМЯ-аас коронавируст халдварын нөхцөл байдлын талаар мэдээлж байна. Сүүлийн 24 цагийн хугацаанд нийт 18 хүнээс коронавирус илэрчээ. Эдгээр нь эмнэлгийн ажилтан болон батлагдсан тохиолдлуудын ойрын хавьтал болсон хүмүүс байна. Ингэснээр улсын хэмжээнд нийт бүртгэгдсэн халдварын тоо 1832 боллоо.
Мөн энэ хугацаанд 13 хүн эдгэрч, дараагийн шатны ажиглалт тусгаарлалтад шилжжээ. Ингэснээр халдвар авч эдгэрсэн нийт хүний тоо 1384 болж байна.
