ЭМЯ-аас 11.00 цагийн ээлжит хэвлэлийн хурлаа хийж байна. Мэдээллийн эхэнд ХӨСҮТ-ийн Томуугийн нэгжийн дарга А.Бурмаа 24 цагийн хугацаан дахь коронавирусийн нөхцөл байдлыг танилцууллаа.
Тэрбээр "2021 оны 01 дүгээр 16-ны өдөр 25300 хүнд PCR шинжилгээ хийхэд 5 хүнээс коронавирус илэрлээ. Эдгээр нь бүгд Улаанбаатар хотод бүртгэгдсэн бөгөөд батлагдсан тохиолдлын ойрын хавьтлын 4 хүн, Улсын нэгдүгээр төв эмнэлгээр үйлчлүүлсэн нэг иргэн байна. Ингэснээр дотоодод бүртгэгдсэн нийт халдварын тоо 1016 боллоо.
Мөн сүүлийн 23 цагт 38 хүн эдгэрч, дараагийн шатны ажиглалт, хяналтад шилжлээ" гэв.
