Гэмтэл согог судлалын үндэсний төв /ГССҮТ/-ийн бүх эмч, ажилчдаас өчигдөр /2021.01.05/ PCR шинжилгээ авахад бүгд сөрөг гарчээ. Тодруулбал, тус эмнэлгийг нэгдүгээр сарын 5-нд 18.00 цагт хамгаалалтад аваад байсан юм. Учир нв Баянгол дүүрэгт байрладаг “Ачтан элит клиник” эмнэлгийн эмч тус төвд ирж өвчтөн үзсэн тохиолдол гараад байсан юм.
Иймд зайлшгүй тандалт хийх шаардлагатай гэж үзэж, тухайн эмчийн үзсэн хүн болон ойрын хавьтал болсон хүмүүсээс PCR шинжилгээ авахад хариу нь сөрөг гарсан талаар тус эмнэлгийн захирал Э.Галбадрах мэдээлжээ. Тэрбээр “Манай эмнэлгийг тусгаарлаагүй. Тандалт л хийсэн. Манай ажилчид бүгд PCR шинжилгээ хийлгэсэн. Шинжилгээний хариу шөнөдөө гарч, бүгд сөрөг гарсан” гэсэн байна.
