БНХАУ-ын Чинхай мужийн Юшу хотын тэнгэрт нэгэн төрлийн солир асар их гэрэл цацруулан унаж байгаа нь иргэдийн камерт бичигджээ. Солир энэ сарын 23-ны 07:25 цагт Нанчиан хошуу, Ючу хошуу хоёрын хилийн ойролцоо унасан хэмээн мэдээлжээ.
Зарим мэргэжилтнүүд түүнийг Болид буюу нэлээд том хэмжээтэй гэрэлт солир байсан бөгөөд дэлхий рүү чиглэн ирэх замдаа хэд хэдэн удаа дэлбэрсэн хэмээн үзэж байгаа аж. Мөн тус солир ямар нэг хохирол учруулаагүй байна. Болид хэмээн нэрлэдэг солирууд нь маш хурц гэрэл ялгаруулдаг бөгөөд агаар мандалд орж ирмэгцээ хүчтэй дэлбэрдэг аж. Өмнө нь энэ төрлийн солир АНУ-ын Калифорни, ОХУ-ын Челябинскид тус тус үзэгдэж байжээ.
