ЭМЯ-наас ээлжит мэдээллээ хийж байна.
Энэ үеэр ХӨСҮТ-ийн Тандалт, судалгааны албаны дарга А.Амбасэлмаа "Арванхоёрдугаар сарын 19-ны өдөр ХӨСҮТ, Зооноз, Дархан-Уул, Сэлэнгэ, Дорнодын салбар лабораторид нийт 8416 хүнд PCR шинжилгээ хийхэд 8 хүний шинжилгээнд коронавирус илэрсэн.
Үүнэс зургаан хүн нь БЗД-ийн эмнэлгийн голомтоос илэрсэн бол, хоёр хүн нь арванхоёрдугаар сарын 19-нд Франкфурт-Улаанбаатар тусгай үүргийн нислэгээр ирсэн хоёр хүнээс халдвар илэрсэн байна. Тус хоёр хүн нь Унгараас Германд ирсэн хүмүүс байсан. Ингэснээр манай улсад батлагдсан нийт тохиолдлын тоо 961 боллоо" гэж мэдээллээ.
