Засгийн газрын хуралдаан яг одоо болж байна.Хуралдааны үеэр Шадар сайд Я.Содбаатар цар тахлын эсрэг авч хэрэгжүүлж буй хариу арга хэмжээний талаар танилцуулж байна. Энэ үеэр тэрээр тусгаарлах байрны нөөцөд тулгуурлан энэ сард Франкфурт, Токио, Сөүл чиглэлд тусгай үүргийн гурван удаагийн нислэг үйлдэхээр болсныг мэдээллээ.
Монгол Улсад дотоодын халдвар бүртгэгдэж, гамшгаас хамгаалах бүх нийтийн бэлэн байдлын хугацаанд тусгай үүргийн нислэгүүдийг түр хугацаанд зогсоогоод байсан юм. ГХЯ-ны судалгаар гадаадын орноос эх орондоо нэн яаралтай буцах хүсэлт өгсөн 2 мянга иргэн буйг мэдээлсэн билээ.
