Өчигдөр Хэнтий аймгийн засаг дарга Ц.Идэрбат Улаанбаатараас тус аймгийн Баянхутаг суманд хулгайн замаар очсон хоёр иргэнээс түргэвчилсэн оношлуураар авсан шинжилгээнээс халдвар илэрсэн талаар мэдээлсэн билээ.
Харин өчигдөр 23:00 цагт Аймгийн онцгой комиссын хуралдаан болж үүссэн нөхцөл байдлыг 11 дүгээр сарын 16-ны 22:00 цагт хяналтдаа бүрэн авсныг аймгийн Онцгой комиссын дарга бөгөөд аймгийн Засаг дарга Ц.Идэрбат мэдэгдэж, хоёр тохиолдлыг PCR шинжилгээ хийлгэхээр 01:20 цагт ХӨСҮТ-д хүлээлгэн өгсөн, хариу өнөөдөр орой /2020.11.17/ гарна гэдгийг мэдэгдсэн байна. Харин ХӨСҮТ-д хийгдсэн нарийвчилсан шинжилгээний хариу сөрөг гарсныг албан ёсоор аймгийн шуурхай штабт мэдэгджээ.