Өнөөдөр 17 цагт Эрүүл мэндийн яамнаас ээлжит мэдээлэл хийлээ. Тус мэдээллийн үеэр өнөөдөр /2020.11.08/ коронавирусийн таван тохиолдол шинээр нэмэгдсэн, эдгээр халдвар авсан зарим иргэд Сөүл-Улаанбаатар чиглэлийн ирсэн бөгөөд, тэднээс тусгаарлалтын 19 дэхь хоногт коронавирус илэрсэн. Мөн өнөөдөр ОХУ-аас ирсэн тээврийн нэг жолоочоос илэрсэн гэсэн юм. Иймд онцгүй сэрэмжтэй үе ирээд байна гэж мэдэгдлээ. Учир нь тусгаарлалтын 18-20 дахь хоногтоо халдвар илэрч байна, мөн Европын орнууд, ОХУ-д халдварын тоо нэмэгдэж байна гэлээ.
Засгийн газрын Хэвлэл мэдээлэл, олон нийттэй харилцах хэлтсийн дарга н.Ганзориг дараах мэдэгдлийг өөрийн твиттер хуудастаа хийжээ:
10.19-нд Сөүлээс ирсэн чартерын давтан шинжилгээнээс 4 хүнд Covid19 илэрлээ. / 19 дэх хоногт/
— Ganzorig (@GanzoTg) November 8, 2020
11.7-нд Алтанбулагаар орж ирсэн ОХУ-ын иргэнд /жолооч/ халдвар илэрснийг буцаасан.
Батлагдсан 362 тохиолдлоос 317 ( 88% )-г эмчилж, 43 хүнийг эмчилж байна. ( 2 хүнийг нутаг буцаасан.)
