УИХ-ын чуулганы өнөөдрийн хуралдаанаар "Төрөөс мөнгөний бодлогын талаар баримтлах үндсэн чиглэл батлах тухай" УИХ-ын тогтоолын төсөл /Монгол банк 2020.09.25-ны өдөр өргөн мэдүүлсэн хэлэлцэх, эсэх/-ийг хэлэлцэж дэмжлээ.
Энэ үеэр УИХ-ын гишүүн С.Одонтуяа "Аз жаргалтай хотын биелэлт 92% гэж 20 телевизээр ярьсан ч иргэд 3 цаг түгжрээд худал гэдэг нь баригдаж байгаа шиг эдийн засгийн үзүүлэлтийг яаж ч гоёж, чимээд тоогоороо гараад ирдэг золиг л доо. 2016 онд доллар 1982 төгрөгтэй тэнцэж байсан бол есдүгээр сард 2851 төгрөгт хүрсэн.
30 жилийн түүхэнд байгаагүй 40% суларч антирекорд тогтоогоод байна. Төв банкны үндсэн үүрэг нь шүү дээ. Ард түмний орлогоос 40% хулгай хийж байна гэсэн үг шүү. Яагаад дөрөвхөн жилд 10 их наяд төгрөгийг хэвлэсэн юм бэ. Ханшаа цаашид барьж чадах юм уу. Үнэхээр хүнд байдалд орсон байна шүү дээ. Мөн 340 тэрбум төгрөгийг Капитал банканд алдсан. Энэ мөнгөөр 340 үйлдвэр барих байсан. Аж, ахуй нэгжүүдээ ажилтай болгомоор байна. Ийм бодлогоор цаашид явбал хямралыг улам гүнзгийрүүлнэ. Бид дэмжинэ. Хамтарч ажиллая" гэлээ.
ҮЗЭХ:
