Каталонийн “Барселона” багийн довтлогч Л.Месси багаа орхих хүсэлтэй байгаагаа мэдэгдсэн өргөдлийг “Burofax” системээр дамжуулан илгээсэн тухай багийнх нь удирдлага мягмар гарагт мэдэгдсэн байна.
33 настай “Барселона”-гийн довтлогч Л.Месси нь шилдэг хөлбөмбөгчний шагнал болох “Алтан бөмбөг”-ийн эзнээр 6 удаа тодорч байсан нэгэн юм. Гэсэн ч багаа орхин явахыг хүсэх болсон Л.Мессигийн оролдлого “Барселона”-тай байгуулсан гэрээний нөхцөлийн асуудлаар эрх зүйн маргаан дагуулж болзошгүй байна. Учир нь “Барселона” багтай хийсэн Мессигийн гэрээний хугацаа 2021 оны зун дуусах аж.
