Улаанбаатар хотын агаарын чанар зарим цэгүүдэд маш их бохирдолтой байна. Ялангуяа гэр хорооллын бүсэд агаар бохирдуулагч бодисуудын агууламж Агаарын чанарын стандарт (АЧС)-аас хэд дахин давжээ.
Гол бохирдуулагч бодисуудын үзүүлэлт:
- Хүхэрлэг хий 8-136 мкг/м3, хамгийн өндөр агууламж илэрсэн цэг Баянхошуу орчим 136 мкг/м3 буюу АЧС-аас 2.7 дахин их
- Азотын давхар исэл 13-75 мкг/м3, хамгийн өндөр агууламж илэрсэн цэг Налайх орчим 75 мкг/м3 буюу АЧС-аас 1.5 дахин их
- РМ10 тоосонцор нь 29-175 мкг/м3, хамгийн өндөр агууламж илэрсэн цэг Хайлааст орчим 175 мкг/м3 буюу АЧС-аас 1.7 дахин их
- РМ2.5 тоосонцор нь 17-135 мкг/м3, хамгийн өндөр агууламж илэрсэн цэг Баянхошуу орчим 135 мкг/м3 буюу АЧС-аас 3.6 дахин их
- Нүүрстөрөгчийн дутуу исэл 100-5350 мкг/м3, хамгийн өндөр агууламж илэрсэн цэг Толгойт орчим 5350 мкг/м3 буюу АЧС-аас 1.3 дахин их байгаа талаар Агаарын бохирдолыг бууруулах үндэсний хорооноос мэдээллээ.
