ВИДЕО: Дүрэм зөрчиж, мотоциклтой иргэнийг мөргөсөн эмэгтэй жолоочийг 2.7-14 сая төгрөгөөр торгох эсвэл 6 сараас 3 жил хүртэлх хугацагаар зорчих эрхийг хязгаарлах ял шийтгэнэ

ВИДЕО: Дүрэм зөрчиж, мотоциклтой иргэнийг мөргөсөн эмэгтэй жолоочийг 2.7-14 сая төгрөгөөр торгох эсвэл 6 сараас 3 жил хүртэлх хугацагаар зорчих эрхийг хязгаарлах ял шийтгэнэ

Сүхбаатар дүүргийн есдүгээр хороо, Баянбүрдийн уулзварт энэ оны наймдугаар сарын 13-ны өдөр зам тээврийн ноцтой осол гарсан бичлэг олны анхаарлыг татсан юм.

ВИДЕО:

 

Тодруулбал, дүрэм зөрчиж уулзвар нэвтэрсэн “акуа” маркийн автомашинтай жолооч эмэгтэй мотоциклтой жолоочийг мөргөж гэмтээсэн осол гарсан юм. Тэгвэл уг ослын талаар цагдаагийн байгууллагаас тодруулахад, "Хэргийг мөрдөн шалгах ажиллагаа үргэлжилж байгаа. Мөргүүлсэн иргэнийг эмнэлгийн байгууллагад хүргэсэн” гэх мэдээллийг өглөө. Тэгвэл уг хэрэгтэй төстэй хэргүүдийг дараах хуулийн зүйл ангиар шийтгэдэг байна.

Эрүүгийн тухай хуулийн 27 дугаар бүлгийн 10.1-д зааснаар

1.Тээврийн хэрэгслийн жолооч хөдөлгөөний аюулгүй байдлын тухай хууль тогтоомж, түүнд нийцүүлэн гаргасан захиргааны хэм хэмжээний актыг зөрчсөний улмаас хүний эрүүл мэндэд хүндэвтэр хохирол учруулсан бол тээврийн хэрэгслийг жолоодох эрхийг нэг жилээс гурван жил хүртэл хугацаагаар хасаж хоёр мянга долоон зуун нэгжээс арван дөрвөн мянган нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл зургаан сараас гурван жил хүртэл хугацаагаар зорчих эрхийг хязгаарлах ял шийтгэнэ.

2.Энэ гэмт хэргийг согтуурсан, мансуурсан үедээ эсвэл тээврийн хэрэгсэл жолоодох эрхгүй хүн үйлдсэн бол тээврийн хэрэгслийг жолоодох эрхийг гурван жилээс дээш таван жил хүртэл хугацаагаар хасаж нэг жилээс гурван жил хүртэл хугацаагаар зорчих эрхийг хязгаарлах, эсхүл нэг жилээс гурван жил хүртэл хугацаагаар хорих ял шийтгэнэ гэж заасан байна.

Иймд дээрх ослыг гаргасан “акуа” маркийн автомашины жолооч эмэгтэй гурав хүртэлх жилээр жолоодох эрхээ хасуулж, 2.7-14 сая төгрөгөөр торгуулах эсвэл таван өдөр нийтэд тустай ажил хийх эсвэл 6 сараас 3 жил хүртэлх хугацаагаар зорчих эрхийг хязгаарлах ял шийтгэгдэж магадгүй байна.




Өнөөдөр хонь өдөр

6 цагийн өмнө