Засгийн газрын хуралдаанаас гарсан шийдвэрийг Эрүүл мэндийн сайд Ж.Чинбүрэн танилцууллаа.
Энэ үеэрээ тэрбээр ХСҮТ-ийн захиралтай холбоотой зарим мэдээллийг өгсөн юм. Тодруулбал, Хавдар судлалын үндэсний төвийн захирал М.Адилсайханыг Эрүүл мэндийн сайд асан Т.Мөнхсайхан өнгөрсөн тавдугаар сард томилсон. Гэвч Эрүүл мэндийн сайд Ж.Чинбүрэн ХСҮТ-ийн М.Адилсайханыг ажлаас нь чөлөөлсөн байна. Энэ талаар Эрүүл мэндийн сайд Ж.Чинбүрэн, "ХСҮТ-ийн захирал М.Адилсайхан миний шавь. Өөрөө өргөдлөө өгөөд чөлөөлөгдсөн. Шинээр томилогдсон захирал бол ХСҮТ-д 2008-2016 онд найман жил ажилласан, эмэгтэйчүүдийн хавдрын мэс заслын эмч мэргэжилтэй, профессор, зөвлөх зэрэгтэй, гавьяат эмч, "Амгалан" амаржих газрын даргаар ажиллаж байсан Ц.Батболд гэж залуу ажлаа хүлээж аваад байна" гэв.
 (1).jpg)
