Улсын физикийн XXXVI олимпиад Арвайхээр хотноо дөрвөн өдрийн турш амжилттай болж өндөрлөлөө.
Олимпиадад 21 аймаг, нийслэлийн есөн дүүргээс 105 сурагч, 49 багш мэдлэг чадвар, оюун ухаанаа уралдуулан оролцож, олон улсын жишгийн дагуу нийт оролцогчдын 24 хувь нь шагналын эзэд боллоо. Тодруулбал, багш нараас хоёр алт, таван мөнгө, долоон хүрэл медальтан төрсөн бол 9 дүгээр ангийн сурагчдаас нэг алт, гурван мөнгө, есөн хүрэл медалийг авсан юм. Мөн 12 дугаар ангийн сурагчид хоёр алт, долоон мөнгө, зургаан хүрэл медалийг хүртжээ.
