БНХАУ-ын Харбин хотноо Ази тивийн 9 дэх удаагийн өвлийн наадамд Монгол Улсаа төлөөлж 4 спортын 7 төрөлд 34 тамирчин хүч сорьж байгаа билээ. Тэгвэл энэхүү наадамд кёрлингийн шигшээ багийн тамирчин О.Мишээл, Г.Марал-Эрдэнэ нар уран гулгалтын ганцаарчилсан үзүүлбэр үзүүлсэн байна.
Тэгвэл өдгөө 19 настай О.Мишээл өчигдөр /2025.02.12/ богино үзүүлбэрт 26.32 оноо авч дараагийн шатны өрсөлдөөнд нэрээ үлдээж чадлаа.
Дашрамд сонирхуулахад, Отгонбаатарын Мишээл нь 2006 онд АНУ-д төрж 2020 онд Монгол Улсдаа суурин амьдрахаар ирсэн, АНУ-ын иргэншилтэй. 7 настайдаа уран гулгалтын спортод хөл тавьж 12 дахь жилдээ уг спортоор хичээллэж байна. Эх орондоо аав, ээжийн хамтаар ирэх үеэр цар тахлын хүндхэн жилүүд таарч бэлтгэлээ цалгардуулсан үе ч түүнд бий. Бэлтгэлээ эрчимжүүлэх хүсэлдээ хөтлөгдөн урд, хойд. хөршид ч хамтарсан бэлтгэлд оролцож явжээ. Ингэж явсаар 2023 оноос Наран улсын Нагояа хотноо Тэцукацу Накашима багшийн удирдлага дор бэлтгэлээ базаасаар байгаа юм. Түүний хувьд энэ тэмцээн олон улсын хамгийн анхны бөгөөд хамгийн томоохон тэмцээн нь болж байна.
