Хөдөө аж ахуйн их сургуулийн Агроэкологи, бизнесийн сургууль БНСУ-ын Инчеон болон Кумсан инновацын кластерын салбарыг Дархан-Уул аймагт албан ёсоор нээжээ.
Инчеоны төв нь байгаль орчинд ээлтэй технологийг ашиглан хоол хүнсний хаягдал, ялангуяа махан хоолноос гарсан хаягдлыг гурав хоногийн дотор био бордоо болгодог байна. Харин Кумсаны төв нь сэргээгдэх эрчим хүч үйлдвэрлэх чиглэлээр үйл ажиллагаа, судалгаа явуулдаг аж. Тус төв нь Өмнөд Солонгосын хэмжээнд нийт 14 инновацийн кластер үйл ажиллагаагаа явуулдгаас хоёр салбараа Дархан-Уул аймагт байгууллаа.
