Чехийн нийслэл Прага хотод мянга мянган хүн төрийн өмчит радио, телевизийн санхүүжилтийн тогтолцоог өөрчлөх засгийн газрын төлөвлөгөөг эсэргүүцэн жагсаж байна. Тэд уг шинэчлэл нь хэвлэлийн эрх чөлөөнд заналхийлж байна гэж үзжээ.
Жагсагчид өрх бүрээс авдаг радио, телевизийн тусгай хураамжийг халж, оронд нь улсын төсвөөс санхүүжүүлэхээр төлөвлөсөн хуулийн төслийг татан авахыг шаардав. Тус хуулийн төслийг Ерөнхий сайд Андрей Бабишийн тэргүүлдэг эрх баригч эвсэл өргөн мэдүүлжээ. Уг хуулийн төслийг доод танхим өнгөрсөн бямба гарагт шөнийн санал хураалтаар түргэвчилсэн журмаар хэлэлцэхийг дэмжсэн байна. Сөрөг хүчнийхэн үүнийг хангалттай хэлэлцэлгүй батлуулахыг оролдсон гэж буруутгажээ.
