Өнөр хорооллын гудамжийг цогц гудамж, зам болгон хөгжүүлэх ажлын хүрээнд өнөөдөр орой зарим авто замын хөдөлгөөнийг түр хугацаагаар хаахаар болжээ.
Тодруулбал, /2026.05.04/-ний 23:00 цагаас Сонгинохайрхан дүүрэг-ийн 15 дугаар хороо, Нандин Ухаан эмнэлгээс Нэгдүгээр хорооллын 23 дугаар байр хүртэлх чиглэлд борооны ус зайлуулах шугамын хөндлөн сэтэлгээ хийхтэй холбоотойгоор замын хөдөлгөөнийг хаах юм байна. Замын хөдөлгөөнийг маргааш /2026.05.05/-ны 06:00 цагт нээхээр төлөвлөжээ.
Сануулахад, Өнөр хорооллын арын 2.7 км авто замыг цогц гудамж, замын жишиг байдлаар өргөтгөн шинэчлэх ажил өнгөрсөн онд эхэлсэн. Тус бүсэд борооны ус ихээр тогтдог асуудлыг шийдвэрлэх зорилгоор газар доогуур иж бүрэн ус зайлуулах шугам хоолой тавьж байгаа бөгөөд зураг төслийг Финландын Finnoc компани Монголд анх удаа жишиг байдлаар боловсруулсан байна. Уг төслийг Нийслэлийн Засаг даргын Тамгын газар болон Дэлхийн банк хамтран хэрэгжүүлж байгаа юм.
.jpg)
